Мягмар гарагт Израилийн арми Газын зурвасын өмнөд хэсэг дэх гол хот болох Хан Юнис хот руу довтлох ажиллагаагаа эхэлжээ. Ройтерс агентлагаас мэдээлснээр уг хотод байрлах эмнэлгүүд аль хэдийнээ амь эрсэдсэн, шархадсан олон мянган палестинаар дүүрэн байгаа гэсэн юм.
Оршин суугчдын хэлж байгаагаар Израилийн арми Газын зурвасын Израильтай хиллэдэг хилийн шугамыг давж, хотын баруун хэсэг рүү урагшилсан нь тэд Хан Юнис хот руу дайрсан анхны тохиолдол болж байна гэжээ.
Израиль улсын хувьд сар гаруйн хугацаанд үргэлжилсэн дайныхаа дүнд Газын зурвасын хойд хэсгийг өөрсдийн мэдэлд оруулсан бөгөөд өдгөө өөрсдийн үйл ажиллагааг тэлж, Газын зурвасыг бүхэлд нь эзлэхээр довтолж буй нь энэ юм.
Үйл явдлын хүрээнд Израилийн засгийн газрын хэвлэлийн төлөөлөгч Эйлон Левигийн хэлснээр, “Бид одоо хоёр дахь шатандаа ороод байна. Ажиллагааны хоёрдугаар шат нь цэрэг армийн хүрээнд илүү хүнд хэцүү байх болно” гэжээ.
Эх сурвалж: The Reuters