Даваа гарагт BBC сувгаас мэдээлснээр ОХУ Евровишн дууны наадмын ялагч, Украин улсын иргэн Жамалаг эрэн сурвалжилж буй хүмүүсийн жагсаалтдаа оруулжээ.
Учир шалтгааныг тодруулбал тэд Жамалаг ОХУ-ын зэвсэгт хүчний талаар худал мэдээлэл тараасан хэмээн буруутгаж байгаа гэнэ.
Кремлийн хувьд Орос, Украины дайны талаар өгүүлэхдээ Оросыг буруутгасан утга агуулга илэрхийлсэн хүмүүсийг энэ төрлийн хэрэгт буруутгах нь элбэг юм. Харин Жамалагийн хувьд Украин дахь Оросын түрэмгийллийг нээлттэйгээр шүүмжилж ирсэн нэгэн билээ.
Эх сурвалжийн мэдээлж байгаагаар ОХУ Жамалаг аль өнгөрөгч сард эрэн сурвалжилж буй хүмүүсийн жагсаалтдаа оруулсан гэнэ.
Эх сурвалж: BBC