Боинг компанийн ажилтан асан, тэтгэвэрт гарсан шүгэл үлээгч Жон Барнетт өнгөрөгч бямба гарагт амиа алдсан байдалтай олджээ.
Түүний хувьд агаарын хөлөг үйлдвэрлэгч Боинг компанид нийт 32 жил ажиллаж, 2017 онд тэтгэвэртээ гарснаасаа хойш хоёр жилийн дараа компанийн үйлдвэрлэлийн стандартын тухайд шүгэл үлээж байсан юм.
BBC сувгаас мэдээлснээр Жон Барнетт нь амиа алдахаас өмнөх өдрөө мөрдөх ажиллагаанд оролцсон бөгөөд өнгөрөгч долоо хоногийн баасан гарагт мэдүүлэг өгснийхөө дараа өдөр нь тийнхүү амиа алдсан байдалтай олджээ.
Улмаар Боинг компанийн зүгээс түүний үхэлд харамсаж буйгаа илэрхийлсэн байна.
Хэвлэлийнхний мэдээлж байгаагаар 62 настай Жон Барнетт нь өөрийгөө гэмтээх замаар амиа хохироосон гэсэн юм.
Жон Барнеттын хувьд амьд ахуй цагтаа, тэтгэвэртээ гарахаас өмнө Боинг компанийн 787 Dreamliner хөлгийн чанарын менежерээр ажиллаж асан бөгөөд 2019 онд түүний мэдэгдсэнээр ажилтнууд агаарын хөлгүүдийг угсрахдаа стандартын шаардлагыг бүрэн хангаагүй эд ангиудыг суурилуулж байсан гэжээ. Түүнчлэн Жон Барнетт Боинг компанид ажиллаж байх үедээ агаарын хөлгийн хүчилтөрөгчийн системд ноцтой асуудлууд байгааг илрүүлсэн юм. Үүнээс гадна шинэ агаарын хөлгүүдийг угсрах цаг шахуу байснаас үүдэн онгоцны аюулгүй байдал доголдсон гэж мэдэгдсэн байна.
Гэвч Боинг компанийн зүгээс түүний эл мэдэгдлийг даруй няцаажээ.
Жон Барнеттын мэдэгдэж байснаар, Боингийн ажилтнууд үйлдвэрлэлийн үед эд ангиудыг хянах журмыг мөрдөөгүйгээс үүдэн зарим нэг эд ангиуд алга болсон бөгөөд зарим тохиолдолд үйлдвэрлэлийн шугамыг тасалдуулахгүйн улмаас хаягдал эд ангиудыг ч ашигласан хэмээсэн юм. Мөн эд ангийн асуудлаас гадна 787 хөлгийн хүчилтөрөгчийн систем доголдох магадлал 25 хувьтай байсан ба энэ нь 4 хөлөг тутмын нэг нь ослын нөхцөлд зорчигчдыг хүчилтөрөгчөөр хангахдаа асуудалтай байхыг таамагласан үзүүлэлт ажээ. Улмаар түүний зүгээс эдгээр асуудлуудыг менежерүүддээ хэлсэн ч тэд ямар нэг арга хэмжээ аваагүй байна.
Тийнхүү 787 хөлгийн үйл ажиллагаатай холбоотой хянан шалгах ажиллагаа үргэлжилж буй энэ нөхцөлд гол шүгэл үлээгч амиа алдсан явдал нь ихээхэн уй гашууг дагуулж байгаа юм.
Эх сурвалж: BBC
Бодийг нь хөтөлчихсөн байхад эргэлзэхгүй
Анус үнэн юм ярьдаг хүмүүсээ нухчихад ч ёстой гайхах юм алгаа, ийм замаар л явж ирсэн улс шүү дээ, бүх зүйл нь худал, Одоо ч ангалруу нэг мөсөн уналаа л даа
737 maks shuu
Zugeer l ongots geechdee. Agaariin hulug ch geh shig
Энэ хүмүүс яаж бичихээ чамаар заалгаад байж байх уу тэй