“Байер Леверкузен” клуб Германы Бундеслигийн 23-р тойргийн сүүлийн тоглолтод “Майнц”-ыг (2:1) хожсоноор 2019-2020 оны улиралд 32 тоглолтод дараалан хожигдоогүй “Бавари Мюнхен” багийн амжилтыг давлаа.

“Майнц”-тай хийсэн тоглолт нь тус багийн хувьд энэ улиралд хожигдол хүлээгээгүй 33 дахь тоглолт болсон тухай “Opta Sports” олон нийтийн X сүлжээнд мэдээлсэн байна. Энэ улиралд “Байер” 29 хожиж, дөрвөн удаа тэнцжээ.

Германы аварга шалгаруулах тэмцээний 23 тойргийн дараагаар “Байер” 61 оноотой нэгдүгээрт бичигдэж, "Бавари Мюнхен"-аас 11 оноогоор түрүүлж байгаа ч Мюнхений клубт нэг тоглолт бий.

Бундеслигийн дараагийн тойрогт “Байер” “Кёльн”-тэй учраа таарна. Тоглолт гуравдугаар сарын 3-ны өдөр болно.

Эх сурвалж: Championat /МОНЦАМЭ агентлаг/