БНХАУ: Өвөрмонголоос 17 тэрбум юаниар хэмжигдэх нөөц бүхий алтны орд илрүүлжээ
Тус улсын Эдийн засгийн мэдээ зэрэг орон нутгийн хэвлэлүүдийн мэдээлснээр , Өвөрмонголын Баяннуур аймгийн Урадын дунд хошууны алтны уурхайн хайгуулчид геологийн судалгааны явцад 38 тонн нөөц бүхий алтны уурхайг илрүүлсэн тухай онцолсон байна. Тус мэдээнд дурдсанаар энэхүү алтны уурхай Ганцмод боомтын ойролцоо оршдог аж.
Израиль болон Палестины зэвсэгт Хамас бүлэглэлийн хооронд дэгдсэн дайн энэ сард дуусгавар болсон тохиолдолд хөрш гурван орны дотоодын нийт бүтээгдэхүүн (ДНБ) 2.3 хувиар буурч, 230 мянган хүн ядууралд нэрвэгдэнэ гэх таамаглалыг НҮБ-ын Хөгжлийн байгууллагаас гаргажээ.
АНУ-ын Сангийн сайд: Ирэх оны эцэс гэхэд инфляц ХНС-гийн зорилтот түвшин болох 2 хувьд хүрнэ
Ройтерс зэрэг гадаадын хэвлэл мэдээллийн хэрэгслүүдийн мэдээлснээр, сангийн сайд Йеллен орон нутгийн цагаар 13-ны өдөр ХНС мөнгөний бодлогын хурлаа хийхийн өмнө CNBC сувагт өгсөн ярилцлагадаа инфляцын түвшин цаг хугацааны явцад тогтмол буурч байгаагаас гадна хөдөлмөрийн зах зээлийн хэт идэвхжил ч ерөнхийдөө намжиж байгаа тул ийнхүү таамаглаж буйгаа цохон тэмдэглэсэн байна.
Австрали: Ногоон эрчим хүч рүү шилжиж буй эээ үед эрчим хүчний хямралд өртөж болзошгүй нөхцөл үүсчээ
Австралийн эрчим хүчний хомсдол улам хүндрэх төлөвтэй байна. Австрали улс ногоон эрчим хүч рүү шилжиж байгаа энэ үед эрчим хүчний үйлдвэрлэл хангалтгүй байгаагаас болж эрчим хүчний хямралд нэрвэгдэх аюул нүүрлэж байгаа талаар тус улсын цахилгаан эрчим хүчний зах зээлийн оператор компани болох AEMO орон нутгийн цагаар 15-ны өдөр мэдэгдэв.
ОХУ: Бодлогын хүүгээ 1 пунктээр нэмэгдүүлж 16 хувьд хүргэжээ
Төв банкны зүгээс “Эдийн засагт үзүүлж буй инфляцын дарамт өндөр хэвээр байна” хэмээн мэдэгдээд инфляц хурдацтай нэмэгдэж буй энэ үед хариу үйлдэл үзүүлэх зорилгоор ийнхүү хүүгээ нэмэгдүүлэх шийдвэр гаргасан гэжээ.