Цагаан будааны экспортоор дэлхийд тэргүүлэгч Энэтхэг улс зарим сортын цагаан будааны экспортыг хориглоод удаагүй байгаа билээ. Тэгвэл энэ удаад уурын аргаар боловсруулсан будаанаас экспортын татвар авч эхэлжээ.
Энэтхэгийн Financial Express сонины орон нутгийн цагаар 26-ны өдөр мэдээлснээр, Энэтхэгийн Сангийн яам өмнөх өдрийн үдээс хойш уурын аргаар боловсруулсан будаанд 20 хувийн экспортын татвар ногдуулахаар болсон талаар мэдэгдсэн байна.
Тус улс нь буталсан будааны үр болон цагаан будааны басмати бус сортуудыг экспортлохыг хориглоод удаагүйбайгаа билээ.
Энэтхэг улс өнгөрсөн онд 22 сая тонн цагаан будаа экспортолсон нь дэлхийн цагаан будааны экспортын 40 гаруй хувийг эзэлсэн юм.
Тус улс цагаан будааны экспортод хязгаарлалт тавьж байгаагийн шалтгаан нь “Эль Ниньо” үзэгдлийн нөлөөгөөр ган гачиг үргэлжилж байгаатай холбоотойгоор цагаан будаа зэрэг хөдөө аж ахуйн бүтээгдэхүүнүүдийн ургац эрс буурч, үнэ өсөж байгаатай холбоотой аж.
Эх сурвалж: MBC