Польшийн ерөнхий сайд Матеуш Моравецкигийн хэлснээр Оросын батлан хамгаалахын хувийн компани болох Вагнер групп өдгөө ОХУ-ын ерөнхийлөгч Владимир Путины гарт орсон хэмээн онцолсныг ТВП суваг орон нутгийн цагаар 24-ний өдөр мэдээлэв.
Тодруулбал ерөнхий сайд Моравецки Варшавт болсон хэвлэлийн бага хурлын үеэр Вагнер группын тэргүүн Евгений Пригожин нас барсантай холбогдуулан "Вагнер группыг удирдах эрх мэдэл ерөнхийлөгч Путинд шууд шилжсэн” хэмээн цохон тэмдэглэсэн байна.
Тэрээр “Вагнер групп нь өдгөө ерөнхийлөгч Путин болон түүний ойрын хүрээллийнхний гарт ороод байна. Тус групп нь аюулгүй байдлын бодлогод хөндлөнгөөс оролцох, Орос, Беларусьтай хил залгаа улс орнуудын тогтвортой байдлыг алдагдуулахад чиглэсэн өдөөн хатгалга, айлган сүрдүүлэх зэрэг үйл ажиллагаа нь өмнөхөөсөө ч олон өдүүлэх магадлал бүрдээд байна” хэмээн үзэл бодлоо илэрхийлэв.
Эргэн сануулахад өмнөх өдөр нь Москвагийн баруун хойд хэсэгт орших Тверь мужид осолдсон онгоцонд Вагнер группын тэргүүн Евгений Пригожин зорчиж байсан талаар Оросын эрх баригчид мэдэгдсэн болохыг бид өмнө нь мэдээлсэн билээ.
Пригожин нас барсан гэдгийг ерөнхийлөгч Путин ч энэ хэргийн маргааш албан ёсоор баталсан юм.
Эх сурвалж: Newsis