АНУ-ын Худалдааны яам орон нутгийн цагаар 19-ний өдөр дотоодын хагас дамжуулагч үйлдвэрлэгч Global Foundries компанийн Нью-Йорк хотын Вермонт дахь үйлдвэрийн шинэ байгууламжид шинээр өргөтгөл барихад нь хөрөнгө оруулан, дэмжлэг үзүүлэх зорилгоор 1.5 тэрбум ам.доллар олгох урьдчилсан гэрээнд гарын үсэг зурснаа зарлав.
Энэ нь АНУ-д 2022 оноос хойш хэрэгжиж эхлээд буй “Хагас дамжуулагчийн тухай хууль”-ийн хүрээнд олгож байгаа гурав дахь татаас болж буйгаас гадна ийм их хэмжээний мөнгөн дүн яригдаж буй хамгийн анхны хөрөнгө оруулалт болжээ.
Үүнтэй холбоотойгоор Samsung-аар тогтохгүй TSMC, Intel зэрэг хагас дамжуулагч үйлдвэрлэгч томоохон компаниудад цаашид олгох татаасын хэмжээ болон бусад төлөвлөгөө олон улсын анхаарлыг татаж байгаа нь дамжиггүй.
Дэд ерөнхийлөгч Камала Харрис мэдэгдэхдээ "Энэхүү шийдвэрийн хүрээнд үйлдвэрлэсэн хагас дамжуулагч нь одоогийн байдлаар гадаад эх үүсвэрээс бүрэн хамааралтай байгаа АНУ-ын автомашины болон нисэхийн салбарын хагас дамжуулагч нийлүүлэлтийн сүлжээний тогтвортой байдлыг хангах болно" гэж онцолсон тэмдэглэв.
Эх сурвалж: MBC