Саяхан Хонконгийн агаарын тээврийн Cathay Pacific компанийн бүхээгийн ажилтнууд англи хэлгүй зорчигчийг шоглосон хэрэг гарсан билээ. Улмаар авиакомпанийн зүгээс хэргийг шалгаж, холбогдох ажилтнуудыг ажлаас нь халсан юм.

Тэгвэл даваа гарагт Никкей Ази сувгаас мэдээлснээр Cathay Pacific компани мандарин хэлтэй ажилтнуудынхаа тоог нэмэгдүүлэхээр төлөвлөжээ.

Компанийн гүйцэтгэх захирал Роналд Лэмийн мэдэгдсэнээр тэд ирэх сараас эхлэн БНХАУ руу зорчих нислэгт үйлчлэх мандарин хэлтэй бүхээгийн ажилтнуудын тоог өсгөх болсон юм.

Түүний тайлбарласнаар тус авиакомпаниар зорчих мандарин хэлтэй зорчигчдын тоо нэмэгдэхийн хэрээр энэхүү шийдэл нь үргэлжид тус компанийн зорилгын нэг хэсэг байсан хэмээжээ.

Тийнхүү Роналд Лэмийн зүгээс хоёр болон түүнээс дээш хэлтэй бүхээгийн ажилтнуудад сар бүр нэмэлт цалин өгөхөө ч амласан байна.

Эх сурвалж: Nikkei Asia