Хиймэл оюун ухааны салбараа тэргүүлэгч OpenAI компани Ази тив дэх анхны оффисоо Япон улсын нийслэл Токио хотод нээхээр болжээ. Никкей сувгаас мэдээлснээр тэд оффисоо энэ сард багтаан нээх гэнэ. Ингэснээр тэд харилцагч байгууллагууддаа тусгайлсан үйлчилгээг санал болгоход илүү ойртох бөгөөд засгийн газрууд хиймэл оюун ухаантай холбоотой шинэ хууль, журмыг боловсруулахад өөрсдийн зүгээс хувь нэмрээ оруулах боломжтой болох юм.
OpenAI компанийн хувьд өнгөрсөн хугацаанд Япон улсын зах зээлийг сонирхсоор ирсэн. Улмаар өнгөрөгч оны дөрөвдүгээр сард тэдний гүйцэтгэх захирал Сэм Альтман Япон улсын ерөнхий сайд Фумио Кишидатай биечлэн уулзсан бөгөөд тус үйл явдлаас хойш жилийн дараа OpenAI компани Япон улсад оффисоо нээх гэж байгаа нь энэ юм.
Ташрамд дурдахад OpenAI компани өнгөрсөн онд л гэхэд Их Британийн Лондон, Ирландын Дублин хотуудад оффисоо нээсэн билээ.
Эх сурвалж: Nikkei Asia