ОХУ-ын засгийн газрын эсрэг тэмцэгч Алексей Навальный учир битүүлгээр шоронд нас нөгчсөнтэй холбогдуулан тус улсын эсрэг авах багц хориг арга хэмжээгээ ирэх 23-ны өдөр зарлана гэж АНУ-ын засгийн газар мэдэгдэв.
Цагаан ордны Үндэсний аюулгүй байдлын харилцааны зөвлөх Жон Кирби хэвлэлийн бага хурал дээр "Оросын тал дэлхий дахинд юу ч хэлэх гэж оролдсон бай Навальныйгийн үхэлд Путин болон түүний засгийн газар хариуцлага хүлээх болно. Үүний хариуд бид 23-нд томоохон хориг арга хэмжээний багцыг зарлах болно” хэмээн цохон тэмдэглэсэн байна.
Өмнөх өдөр нь АНУ-ын ерөнхийлөгч Жо Байден Навальныйгийн үхэлтэй холбогдуулан ОХУ-ын эсрэг нэмэлт хориг арга хэмжээ авахаар хэлэлцэж байгаагаа мэдэгдсэн билээ.
Эх сурвалж: MBC