АНУ-ын “Хагас дамжуулагчийн салбарыг дэмжих тухай хууль”-ийн хүрээнд олгогдох анхны татаасыг “F-35”зэрэг тус улсын цэргийн сөнөөгч онгоцонд ашигладаг хагас дамжуулагч үйлдвэрлэгч компани авахаар болжээ.
Тодруулбал АНУ-ын Худалдааны яам Британийн батлан хамгаалахын BAE Systems компанийн Нью Хэмпшир дэх үйлдвэрийг шинэчлэхэд 35 сая ам.долларын татаас олгохоор шийдвэрлэснийг зарлалаа.
Татаас олгох талаарх албан ёсны санамж бичигт гарын үсэг зурсан BAE Systems компани болон Худалдааны яамны зүгээс үүнийг Байдены засаг захиргаа “Хагас дамжуулагчийн салбарыг дэмжих тухай хууль”-ийн хэрэгжилт дараа дараагийн шатандаа гарч буйн дохио хэмээн тодорхойлсон байна.
BAE Systems компани нь Lockheed Martin-ийн тав дахь үеийн үл үзэгдэх нисэх онгоц болох “F-35”-аас гадна сөнөөгч онгоцны электрон систем, арилжааны хиймэл дагуулуудад ашигладаг хагас дамжуулагч зэргийг үйлдвэрлэдэг аж.
Энэхүү дэмжлэг нь өнгөрсөн оны 8-р сараас хэрэгжиж эхэлсэн “Хагас дамжуулагчийн салбарыг дэмжих тухай хууль”-ийн хүрээнд татаас олгож буй анхны тохиолдол бөгөөд BAE Systems компанийн Нью Хэмпшир дэх үйлдвэрийн хүчин чадал уг хөрөнгө оруулалтын ачаар дөрөв дахин нэмэгдэх төлөвтэй байгаа юм.
Эх сурвалж: YTN