Лхагва гарагт BBC сувгаас мэдээлснээр Саудын Арабын Олон нийтийн хөрөнгө оруулалтын сан Испанийн дэд бүтцийн акул Ferrovial компаниас Британийн Хитроу нисэх буудлын 10 хувийн хувьцааг худалдан авах болсон гэжээ.
Ferrovial компанийн хувьд 2006 онд тус нисэх буудлын 56 хувийг худалдан авсан ч 2013 онд хувьцаагаа 25 хувь хүртэл бууруулан худалдаж, энэ онд тийнхүү үлдсэн хувьцаагаа бүхэлд нь худалдан болсон юм. Улмаар нисэх буудлын хувьцааны 10 хувийг Саудын Арабын Олон нийтийн хөрөнгө оруулалтын сан худалдан авах болсон бол үлдсэн хувийг Франц улсад төвтэй Ardian гэх хувийн хөрөнгийн сан худалдан авах болжээ.
Хитроу нисэх буудлын хувьд энэ онд ихээхэн алдагдалтай ажиллаж байгаа бөгөөд үүний гол шалтгаан нь Английн Төв банкнаас инфляцын өсөлттэй тэмцэх зорилгоор бодлогын хүүгээ удаа дараа өсгөж, зээлийн өртөг нэмэгдсэнтэй холбоотой юм.
Эх сурвалж: BBC