Криптовалютын хамгийн том бирж болох Binance-ийн гүйцэтгэх захирал Жао Чанпен албан тушаалаасаа огцорчээ. Үүний шалтгаан нь шүүхээс тус биржийг мөнгө угаасан хэрэгт гэм буруутай хэмээн дүгнэж, Жао Чанпены зүгээс ч хэргээ хүлээсэнтэй холбоотой юм.
Үйл явдлын хүрээнд тэрээр өөрийн Твиттер(X) хуудаснаа нийтэлснээр, “Би алдаа гаргасан. Тиймээс хариуцлагаа хүлээх ёстой. Энэ бол криптовалют сонирхогч, хөгжүүлэгч, нийлүүлэгчдийн нэгдэл хийгээд Binance бирж болон миний хувьд хамгийн зөв шийдвэр” гэсэн байна.
Улмаар Хууль зүйн яамнаас Binance биржийг хэрэглэгчдэдээ олон улсын хориг арга хэмжээнээс зайлсхийхэд тусалсан хэмээж, 4.3 тэрбум ам.долларын торгууль ногдуулжээ.
Эх сурвалж: BBC