Их Британийн газрын тос, байгалийн хийн Shell компани BP компанитай харьцуулахад өнгөрөгч улиралд хангалттай өндөр орлоготой ажиллажээ.
Тодруулбал, өнгөрөгч долоодугаар сараас есдүгээр сарын хугацаанд тэдний ашиг 6.2 тэрбум ам.доллароор хэмжигдсэн байна. Энэ нь тэдний өмнөх улирлын ашгаас хангалттай өндөр өсөлттэй(23%) үзүүлэлт гэнэ. Гэсэн хэдий ч тэдний өнгөрөгч улирлын ашгийг 2022 оны мөн үетэй харьцуулбал 40 орчим хувиар уналттай үзүүлэлт гарчээ.
Тэдний зүгээс өнгөрөгч гурван сарын хугацаанд хэрхэн ашгаа нэмэгдүүлснийг тайлбарлахдаа, олон улсын зах зээлд газрын тосны үнэ нэмэгдэж, зах зээлд илүү их газрын тос, байгалийн хий нийлүүлж, газрын тосны боловсруулалтаа нэмэгдүүлж, байгалийн хий худалдааны цар хүрээгээ тэлсэнтэй холбосон байна.
Эх сурвалж: BBC