Зургаа дахь долоо хоногтоо үргэлжилж буй АНУ-ын Автомашины ажилчдын нэгдсэн үйлдвэрчний эвлэлийн ажил хаялтад оролцож буй гишүүдийн тоо 5000-аар нэмэгдсэнээр ажил хаялтад оролцож буй нийт гишүүдийн тоо 46000-д хүрчээ.
АНУ-ын зах зээлд эрэлт өндөртэй байдаг General Motors компанийн Техас хот дахь том оврын SUV ангиллын автомашины үйлдвэрийн 5000 ажилчид орон нутгийн цагаар 24-ний өглөө ажил хаялтад нэгдэж буйгаа зарлав.
Өнгөрсөн сарын 15-ны өдөр Автомашин ажилчдын нэгдсэн үйлдвэрчний эвлэлийнхэн General Motors, Ford, Stellantis зэрэг автомашин үйлдвэрлэлээрээ Америкдаа тэргүүлэгч гурван компанийн Мичиган, Охайо, Миссури мужид байрладаг үйлдвэрүүдийн ажилчдыг эгнээндээ нэгтгэн нэгэн зэрэг ажил хаялт зарласан билээ.
Тус үйлдвэрчний эвлэлийн албаны хүмүүс хамтарсан гэрээ байгуулахаар компаниудын удирдлагуудтай хэлцлийг дахин эхлүүлсэн ч нэгдсэн тохиролцоонд хүрч чадаагүйн улмаас өмнөх өдөр нь Stellantis компанийн пикап загварын автомашины үйлдвэрийн ажилчид мөн тус ажил хаялтад нэгдсэн юм.
Эх сурвалж: MBC