Израилийн ерөнхий сайд Биньямин Нетаньяху лхагва гарагт хийсэн мэдэгдэлдээ Израилийн талаас газрын довтолгоонд бэлтгэж байгаа талаар дурджээ. Гэвч түүний зүгээс газрын довтолгоо хэзээ эхлэх болон бусад дэлгэрэнгүй мэдээллийг өгөхөөс татгалзсан байна.

Ноён Нетаньяхугийн хэлснээр Палестины эзэмшлийн газар нутагт Израилийн тал хэзээ нэвтрэхийг тэдний засгийн газраас байгуулсан Дайны яам шийднэ гэжээ.

Түүний мэдэгдлийг орчуулан хүргэвэл, “Бид аль хэдийн мянга мянган алан хядагчийг хөнөөгөөд байгаа, гэхдээ энэ бол ердөө эхлэл.

Үүний зэрэгцээ бид газрын довтолгоонд бэлдэж байна. Харин хэзээ, хэрхэн, хэдэн удаа гэдэг тухайд би ямар нэг мэдээлэл өгөхгүй. Мөн миний зүгээс өөрсдийн хийж буй, олон нийтийн мэдэхгүй, төрөл бүрийн тооцооллын тухай тодорхой мэдэгдэл хийхгүй. Энэ бүхэн ийм л байх учиртай” хэмээсэн байна.

Израиль улсын хувьд өнгөрөгч 7-ы өдрөөс хойш Газын зурвасыг эрчимтэй бөмбөгдөж байгаа бөгөөд одоогийн байдлаар нийт 1,400 хүний аминд хүрээд байгаа билээ. Харин Газын эрүүл мэндийн яамнаас мэдэгдэж байгаагаар дайнд нийт 6,500 гаруй палестин хүн амиа алдсан гэсэн юм.

Эх сурвалж: The Reuters