Лхагва гарагт Самсунг Электрониксоос анхааруулснаар тэдний 2023 оны гуравдугаар улирлын ашиг үлэмж хэмжээгээр буурсан үзүүлэлттэй гарна гэжээ. Үүний шалтгаан нь олон улсын зах зээлд хэрэглээний төхөөрөмжийн эрэлт ердийнхөөс бага байгаа юм.

Тэдний мэдэгдсэнээр тэд өнгөрөгч улиралд ойролцоогоор нийт 2.4 их наяд воны ашигтай ажилласан бөгөөд энэ нь 2022 оны мөн үеэс даруй 8.45 их наяд воноор буурсан үзүүлэлт гэнэ. Улмаар тэдний орлого ч 2022 оны гуравдугаар улиралтай харьцуулахад 12.7 орчим хувиар буурсан гэж тооцож байгаа ажээ.

Гэсэн хэдий ч энэхүү уналтыг тэд урьдчилан тооцсон байсан бөгөөд үнэн хэрэгтээ ашгийн уналт нь тэдний тооцож байснаас ялимгүй бага гарсан байна. Тийнхүү улирлын ашиг нь өнгөрөгч онтой харьцуулахад нэлээдгүй бууралттай гарсан ч урьдчилсан тооцоог даваагүй тул лхагва гарагт олон улсын зах зээлд тус компанийн нэгж хувьцааны үнэлгээ 3.3 хувиар өсжээ.

Эх сурвалж: CNN