Цахим худалдааны салбарыг тэргүүлэгчдийн нэг Amazon компани хүргэлтийн жолооч нарынхаа цалинг нэмэгдүүлж, боловсрол болон хүүхэд асрахад зориулсан тэтгэмжийн хэмжээг өсгөхөөр 840 сая ам.долларыг төсөвлөжээ. Эл төлөвлөгөөний хүрээнд тус компанийн хүргэлтийн жолооч нарын цалин цагийн 20.50 ам.доллар болох гэнэ.

Amazon компанийн хувьд 2018 оноос “Хүргэлтийн үйлчилгээний түншлэлийн хөтөлбөр”-ийг боловсруулж, хэрэгжүүлсэн бөгөөд уг хөтөлбөрийнхөө хүрээнд өнгөрөгч 5 жилд нийт 3,500 хүргэлтийн компани байгуулж, 279,000 хүнийг ажлын байраар хангасан юм.

Улмаар тэд хөтөлбөрийн санхүүжилтэд нийт 840 ам.долларыг төсөвлөж, дээрх 3,500 компанид хуваан өгөхөөр төлөвлөснөөс тэд 440 сая ам.долларыг хүргэлтийн жолооч нарын цалинг нэмэгдүүлэхэд зарцуулж, үлдсэн төсвийг урамшуулал, хөнгөлөлтийн хөтөлбөрөө тэлж, хэмжээг нь нэмэгдүүлэн ажилтан ажилд авах үйл явцаа илүү үр дүнтэй болгоход зарцуулах ажээ. Мөн төсөвлөсөн мөнгөний тодорхой хувь нь жолооч нарын хамрагдах сургалтын төлбөрийг даах, тэдний хүүхдүүдийг асрах үйлчилгээгээр хангахад зориулагдах гэнэ.

Эх сурвалж: HR Dive