Хятад улс Тайванаас манго импортлохыг хориглох шийдвэр гаргажээ.
Хятадын Гаалийн ерөнхий газар 21-ний өдөр Тайваниас импортолж буй манго жимснээс хорио цээрийн аюултай бичил биет илэрсэн тухай мэдээлж, мөн өдрөөс эхлэн Тайванаас манго импортлохоо зогсоох шийдвэр гаргасан байна. Түүнчлэн ургамлын хорио цээрийн удирдлагын тогтолцоогоо сайжруулахыг Тайванийн талаас хүсчээ.
Хятадын Төрийн Зөвлөлийн Тайванийн хэрэг эрхлэх газрын хэвлэлийн төлөөлөгч Фэнлянь Жу “Эдгээр хортой бичил биетүүд тархсан тохиолдолд эх газрын Хятадын хөдөө аж ахуйн үйлдвэрлэл, экологийн аюулгүй байдалд ноцтой аюул учруулах болно” хэмээн мэдэгдсэн байна.
Импортыг хориглох шийдвэр гаргасан явдал нь шинжлэх ухааны үндэслэлтэйн дээр холбогдох хууль тогтоомжид нийцсэн био аулгүй байдлын зүгээс авч буй ердийн арга хэмжээ хэмээн тэрээр нэмж хэлэв.
Гэсэн хэдий ч зарим шинжээчдийн үзэж буйгаар Тайванийн дэд ерөнхийлөгч Лай Чин Дэ АНУ-аар дамжин Парагвайд айлчилсаны хариуд Хятадын тал ийнхүү импортын хориг арга хэмжээ авч байна хэмээн цохон тэмдэглэж байгаа юм.
Түүнчлэн дэд ерөнхийлөгч Лайг буцаж ирмэгц Хятадын тал Тайванийн хоолойд томоохон хэмжээний цэргийн сургуулилт хийж, 15-ны өдөр Хятад улс Тайваньд үйлдвэрлэсэн поликарбонатын төрлийн бүтээгдэхүүнд 22.4 хувь хүртэл демпингийн эсрэг татвар ногдуулсан байна.
Өнгөрсөн оны наймдугаар сард АНУ-ын Төлөөлөгчдийн танхимын дарга Нэнси Пелоси Тайваньд айлчлахын өмнө Хятад улс Тайванийн хэд хэдэн компаниудын үйлдвэрлэсэн хүнс болон бусад бүтээгдэхүүнийг импортлохоо зогсоож байсан удаатай билээ.
Эх сурвалж: JoongAng