Лхагва гарагт АНУ-ын Төрийн танхимын хэвлэлийн төлөөлөгч Маржори Тэйлор Грийн өөрийн X хуудаснаа АНУ-ын ОХУ-ыг эсэргүүцэх хоригийг шүүмжилжээ. Түүний нийтэлснээр ОХУ-ыг эсэргүүцэх хориг бүтэлгүйтсэн бөгөөд АНУ-ын зүгээс Украинд мөнгөн тусламж үзүүлэхээ болих хэрэгтэй гэсэн байна.
Хатагтай Грийнийн бичсэнээр, “АНУ Украины засгийн газарт сар бүр 1 тэрбум ам.долларын тусламж илгээхээс гадна нийт 113 тэрбум ам.долларыг зарцуулсан байхад Байден дахин 20 тэрбум ам.доллар илгээхийг хүсэж байна. Гэсэн ч ОХУ баяжиж, АНУ хэдэн их наядаар ядуурч байна!!! АНУ-ын хориг бүтэлгүйтсэн. Укрианд дахиж мөнгө илгээхгүй!” гэжээ.
Түүний ийн бичих болсон шалтгаан нь лхагва гарагт UBS банк дэлхийн нийт хувийн хөрөнгийн хэмжээнд боловсруулсан судалгаатай холбоотой юм. Судалгаагаар 2022 онд ОХУ-ын ард иргэдийн хувийн хөрөнгийн хэмжээ 600 тэрбум ам.доллароор өссөн бол АНУ-ын ард иргэдийн хувийн хөрөнгө 5.9 их наяд ам.доллароор буурсан үзүүлэлт гарсан билээ.
Эх сурвалж: ТАСС