Вьетнамын цахилгаан автомашин үйлдвэрлэн нийлүүлэгч VinFast компани Америкийн хувьцаа арилжааны зах зээлд гарсан даруй зах зээлийн үнэлгээгээрээ Ford, General Motors компаниудыг давжээ. Улмаар мягмар гарагийн орой гэхэд тус компанийн нэгж хувьцааны үнэ 37 ам.доллароор хаасан байна.
Үүний дүнд VinFast компанийн зах зээлийн үнэлгээ 85 тэрбум ам.долларт хүрчээ. Харин Америкийн автомашин үйлдвэрлэн нийлүүлэгч Ford компанийн зах зээлийн үнэлгээ ердөө 48 тэрбум ам.доллар байдаг бол General Motors компанийн үнэлгээ 46 тэрбум ам.доллар байдаг юм.
Тийнхүү компанийн зах зээлийн үнэлгээ нэмэгдэхтэй зэрэгцэн VinFast компанийг үүсгэн байгуулагч Фам Нхат Вуонгийн хөрөнгө 39 тэрбум ам.доллароор өсжээ. Түүний хувьд Вьетнам улсын хэмжээнд хамгийн чинээлэг эрхмээр нэрлэгддэг юм.
Эх сурвалж: BBC