Amazon компани бүтцэдээ өөрчлөлт оруулах төлөвлөгөөнийхөө хүрээнд тоглоомын салбарынхаа ажилтнуудыг орон тооны цомхотголд оруулах болжээ. BBC сувгаар мэдээлснээр тэд нийт 180 ажилтнаа цомхотгоно гэсэн байна.
Amazon компанийн тоглоомын салбарын ажилтнуудын хувьд энэ онд удаа дараа цомхотголд орсон бөгөөд энэ удаагийн цомхотголын дараагаар тус салбар нийт 6,600 гаруй ажилтнаа алдсан болох гэнэ.
Amazon Games компанийн хувьд 2012 онд үүсгэн байгуулагдаж байсан юм. Компанийг анх үүсгэн байгуулахад тэд зөвхөн гар утсанд зориулсан тоглоом бүтээх төлөвлөгөөтэй байсан ч явцын дунд цахим видео тоглоомын салбарт ч хөл тавьсан билээ.
Үйл явдлын хүрээнд BBC сувгаас мэдээлснээр Amazon компани 2023 онд нийт 25,000 гаруй ажилтнаа цомхотгоод байна гэжээ.
Эх сурвалж: BBC