Даваа гарагт Bloomberg сувгаас мэдээлснээр Apple компани энэ намар шинэ загварын iPhone 15 гар утсаа худалдаанд гаргахтай зэрэгцэн iPhone Pro ухаалаг утаснуудынхаа үнийг нэмж магадгүй гэжээ.
Apple компанийн хувьд өнгөрөгч 2019 оноос хойш АНУ-ын зах зээлд iPhone Pro ухаалаг утсыг 999 ам.доллароор, том дэлгэцтэй, Pro Max утсыг 1,099 ам.доллароор худалдаалж ирсэн юм.
Тэгвэл Bloomberg сувгаас мэдээлж байгаагаар шинэ загварын iPhone Pro утаснуудын үнэ ирэх есдүгээр сараас нэмэгдэх бөгөөд үүний дүнд тэдний ашиг ч тодорхой хувиар өсөх гэнэ.
Apple компанийн хувьд цар тахлын үед бараа материалын нийлүүлэлт тасалдаж, ачаа тээврийн зардал нэмэгдсэн ч iPhone ухаалаг утаснуудынхаа үнийг нэмээгүй билээ.
CNBC сувгийн зүгээс уг мэдээллийн хүрээнд Apple компаниас баттай мэдээлэл авах гэсэн ч тэд мэдэгдэл хийхээс татгалзсан байна.
Эх сурвалж: CNBC