АНУ-ын шинэ орон сууцны борлуулалт өнгөрөгч тавдугаар сард өссөн үзүүлэлттэй гарчээ.
CNN зэрэг гадаадын хэвлэл мэдээллийн хэрэгслүүдийн оррн нутгийн цагаар 27-ны өдөр мэдээлснээр, өнгөрөгч тавдугаар сард шинэ орон сууцны борлуулалт өмнөх сараас 12.2 хувиар, өмнөх оны мөн үеэс 20 хувиар тус тус өссөн болохыг онцлов. Тодруулбал өнгөрсөн дөрөвдүгээр сард 680 мянга байсан шинэ орон сууцны борлуулалт тавдугаар сард 763 мянга болж өсжээ.
Энэ нь өнгөрсөн оны хоёрдугаар сараас хойших хамгийн өндөр өсөлт бөгөөд мэргэжилтнүүдийн таамаглалаас хол давсан үзүүлэлт аж.
Түүнчлэн өнгөрөгч дөрөвдүгээр сараас хойш шинэ орон сууцны борлуулалтын үнэ буурч байгаа нь ажиглагдсан байна. Тухайлбал өнгөрөгч дөрөвдүгээр сард шинэ орон сууцны дундаж үнэ 487.300 ам.доллар байсан бол тавдугаар сард 416.300 ам.доллар болж буурсан байх юм.
Шинэ орон сууцны борлуулалт АНУ даяар нэмэгдсэн үзүүлэлттэй гарчээ.
Гэвч зарим шинжээчид шинэ орон сууцны борлуулалтын өсөлт төдийлөн удаан үргэлжлэхгүй гэж үзэж байгаа юм. Тухайлбал Oxford Economics хувийн судалгааны фирмийн эдийн засагчид "Шинэ орон сууцны борлуулалтын өсөлт тогтвортой үргэлжлэхгүй гэж бодож байна. Учир нь эдийн засаг уналтад орж, хөдөлмөрийн зах зээл ч суларч байгаа тул шинэ орон сууцны борлуулалт эрчээ алдна гэж таамаглаж байна” хэмээн цохон тэмдэглэв.
Эх сурвалж: Newsis