Удахгүй нээлтээ хийх “Paint” киноны анхны зурагт хуудас цацагджээ. Тус киног зураач агсан Боб Россоос сэдэвлэсэн бөгөөд түүний дүрийг жүжигчин Овен Уилсон амилуулсан юм.
Өдгөө 54 настай жүжигчний хувьд үргэлж л богиновтор урттай шаргал үстэйгээр кинонд дүр бүтээж ирсэн бол энэ удаад Боб Россын дүрийг амилуулахдаа бор шаргал өнгийн буржгар хиймэл үс зүүсэн байна.
“Paint” киноны хувьд ирэх дөрөвдүгээр сарын долооны өдөр кино театруудад нээлтээ хийх юм. Киноны гол уриа үг нь Боб Россын хамгийн чухал уриа үг болох “Алдаа гэж үгүй, ердөө л аз жаргалтай эндэгдэл гэж бий” гэдгээс санаа авсан “Онцгой газар руу яв” гэдэг уриа ажээ.
Эх сурвалж: Daily Mail