Тэгш бус байдлын хүрээнд хийгдсэн судалгаагаар дэлхийн хамгийн баян хүмүүсийн хөрөнгө цар тахлын үеэр бүр л нэмэгджээ. Улмаар дэлхийн тэгш бус байдлын тайланд тусгаснаар 2020 онд тэрбумтнуудын хөрөнгө түүхэндээ хамгийн их хувиар өссөн гэнэ. Харин 100 сая гаруй хүн нэн ядуу ангилалд шилжжээ.

Түүнчлэн тайланд багтсан онцлох мэдээллийг хуваалцвал:

-Дундаж амьдралтай насанд хүрэгч жилд дунджаар 18850 ам.долларын орлого олдог бол нэг хүн дунджаар 82260 ам.долларын хөрөнгө эзэмшдэг.

-Дэлхийн хүн амын нэн ядуу хагас нь бараг л ямар ч хөрөнгө эзэмшдэггүй.

-Хүн амын хамгийн баян 10 хувь нь дэлхийн нийт хөрөнгийн 76 хувийг эзэмшдэг.

-Тэгш байдлыг хамгийн ихээр хангасан бүсээр Европ тодорсон бол хамгийн тэгш бус бүсээр Ойрх Дорнод, Хойд Америк нарыг нэрлэжээ.

Эх сурвалж: BBC