АНУ-ын ерөнхийлөгч асан Доналд Трамп TRUTH Social гэх өөрийн гэсэн сошиал платформыг нэвтрүүлэхээ зарлажээ.
Түүний нэвтрүүлэх платформ нь томоохон сошиал медиа платформуудын үг хэлэх эрхийг хааж боосон үйлдлийн эсрэг сөрж зогсох гэнэ.
Доналд Трампыг ерөнхийлөгчөөр ажиллах хугацаанд сошиал медиа бол түүний үзэл бодлоо илэрхийлэх нэгэн томоохон талбар байсан юм. Гэвч түүнийг дэмжигчид Капитолыг эзлэн түрэмгийлснээс хойш Фэйсбүүк, Твиттерийн зүгээс Доналд Трампын хаягийг хаасан билээ. Мөн зарим нэг постыг нь хуурамч, ташаа мэдээлэл түгээсэн, олон нийтийг талцуулсан зэрэг шалтгаанаар устгасан юм. Тиймээс Доналд Трампын зүгээс үг хэлэх эрх чөлөөгөө хадгалсан нээлттэй платформыг ийнхүү нэвтрүүлэх болжээ.
Улмаар TRUTH Social платформ 2022 оны эхний гурван сард зах зээлд гарах гэнэ.
Эх сурвалж: BBC