TikTok-ийн хэрэглэгчид Т.Свифтийн дуунуудыг ашиглах боломжгүй болжээ
2 сарын 2. 16:070

Нидерланд-Америкийн Universal Music Group компанитай /UMG/ гэрээ байгуулсан уран бүтээлчдийн дуунуудыг TikTok платформоос устгаж эхэлжээ. Хоёр тал контентын лицензийн талаар шинэ гэрээ байгуулж чадаагүй тул ийм нөхцөл байдал үүссэн байна.

CNBC телевизийн сэтгүүлч пүрэв гаргийн өглөө шалгах үед Тэйлор Свифт, Дрейк зэрэг уран бүтээлчдийн дуу TikTok дээр алга байжээ. UMG болон Хятадын технологийн салбарт тэргүүлэгч ByteDance компанийн эзэмшдэг TikTok сүлжээний хооронд байгуулсан лицензийн гэрээний хугацаа лхагва гарагт дууссан байна.

UMG-ийн зүгээс TikTok-ийг гэрээний хэлэлцээний үеэр дээрэнгүй хандаж, айлган сүрдүүлсэн хэмээн буруутгасан байна. UMG-ийн мэдэгдсэнээр, уран бүтээлчид, дуу зохиогчдод “ижил төстэй томоохон платформуудын төлж байгаагаас бага үнийг” TikTok санал болгожээ.

Тус компани мөн TikTok-ийг өөрийн платформыг “хиймэл оюун ухаанаар бүтээсэн бичлэгүүдээр дүүргэх” боломжийг олгож байна гэж зарлажээ. Үүний хариуд ТikTok-ийн зүгээс "UMG өөрийн шуналыг уран бүтээлчид болон дуу зохиогчдын эрх ашгаас дээгүүр тавьж байна” гэж мэдэгдсэн байна.

UMG-ийн хэвлэлийн төлөөлөгч пүрэв гарагт CNBC-д мэдээлэл өгөх үеэрээ, лицензийн гэрээний хугацаа дууссан тул “TikTok одоо аудиог устгаж байгаа” гэжээ. TikTok платформын төлөөлөгч мөн CNBC-д UMG-ийн хөгжмийг TikTok-оос хасаж байгааг баталсан байна.

Өдгөө TikTok нь хэрэглэгчид өөрсдийн дүрс бичлэгтээ дууг нь авч ашигласан тохиолдолд олон жилийн өмнөх уран бүтээлүүд ч хит болох боломжтой платформ болоод байгаа юм. Гэхдээ энтертайнмент компаниуд платформ дээр нь дуу нь ашиглагдаж байгаа уран бүтээлчдэд хангалттай мөнгө төлж байгаа эсэх талаар асуудал дэвшүүлэх болжээ.

UMG-ийн мэдэгдсэнээр, TikTok нь “асар том хийгээд өсөн нэмэгдэж буй хэрэглэгчдийн баазтай бөгөөд зар сурталчилгааны орлого нь хурдацтай нэмэгдэж, хөгжимд суурилсан контентоос улам их хамааралтай болж байгаа” боловч нийт орлогынх нь ердөө ганцхан хувийг л бүрдүүлж байгаа ажээ.


Эх сурвалж: CNBC /МОНЦАМЭ агентлаг/

Энэ мэдээнд өгөх таны сэтгэгдэл?
1
0
0
0
1
0
0
Сэтгэгдэл үлдээх
Нийт 0 сэтгэгдэл
Онцлох мэдээ
“Бөгжний эзэн”-ий шинэ анги 2026 онд дэлгэцэнд гарна
02024-5-10 14:42
Дуучин Жастин Бибер аав болох нь ээ!
02024-5-10 7:45
Билли Айлиш: Би бүх л амьдралынхаа туршид охидод хайртай байсан
12024-4-25 13:01
Coachella наадмын зохион байгуулагчид дуучин Лана Дель Рейн үзүүлбэрээс болж 28,000 ам.долларын торгууль төлөх болжээ
82024-4-24 12:25
“Жибли” студи Каннын кино наадмын хүндэт шагналыг хүртэнэ
02024-4-18 19:17
АНУ: Баллетын бүжигчид Гиннесийн шинэ амжилт тогтоохоор Манхаттан хотын Плаза зочид буудалд цуглажээ
02024-4-18 17:13
Дуучин Тэйлор Свифтийн шинэ цомог сонсогчдын хүртээл болоход 48 цаг хүрэхгүй хугацаа үлдлээ
02024-4-18 15:49
Солонгосын уран сайхны “Oldboy” киноны олон ангит, англи хэл дээрх хувилбар бүтээлийнхээ шатанд явж байна
02024-4-18 13:41
Дэлхийн дээрх хамгийн халуухан эрчүүдийн нэг Хенри Кэвилл анхны хүүхдээ өлгийдөн авах нь ээ
12024-4-16 16:09
Америкийн кино зохиолчдын холбооноос шилдэг бүтээлүүдийг тодруулжээ
02024-4-16 12:42
609248