Олон улсын биатлоны холбооны ерөнхийлөгч нар авлигын хэрэгт холбогджээ
2 сарын 26. 10:590

Олон улсын биатлоны холбооны /IBU/ ерөнхийлөгч, Шведийн иргэн Олле Далин авлигын хэрэгт холбогдсон тухай Норвегийн телевизийн NRK компани мэдээлжээ.

Үүний зэрэгцээ тус холбоог 25 жилийн турш удирдсан анхны ерөнхийлөгч Андерс Бессебергт холбогдох хэргийн шүүх хурал 1 дүгээр сарын 9-нээс хоёрдугаар сарын 15 хүртэл Норвегийн Бускеруд мужийн тойргийн шүүхэд болсон байна. Түүнийг бусдаас хахууль авсан, түүний дотор Оросын албаны хүмүүсээс хахууль авсан хэрэгт буруутгасан юм. Харин Бессеберг үүнийг эрс няцааж байна. Хэрвээ гэм буруутай нь тогтоогдвол түүнд 3 жил 7 сар хорих ял оноож, 1 сая норвег кроны /95 мянган ам.доллар/ торгууль ногдуулж, 140 мянган доллароор үнэлэгдэх эд хөрөнгийг нь хураах юм. Шүүхийн шийдвэр 4 дүгээр сарын 12-нд гарна.

Харин О.Далинд холбогдох хэргийг Австрийн цагдаагийн газар шалгаж байгаа ажээ. Өдгөө 69 настай тэрбээр “спортын уралдаан тэмцээнийг телевизээр дамжуулах эрхийг Infront компанид зах зээлийн ханшаас доогуур үнээр худалдсан” гэх хэрэгт холбогдоод байгаа юм.

“Намайг ийм хэрэгт буруутгаж байгаад би үнэхээр цочирдсон, надад тулгаж буй бүх хэргийг эрс няцааж байна. Эдгээр хэрэг гэгчийг мөрдөн шалгаж байгаа тухай ямар ч албан ёсны мэдээллийг би хүлээж аваагүй, гэхдээ улс төрийн сэдэлтэй гүтгэлэг дайралт хийж байгаа талаар олж мэдсэн” гэж Далин мэдэгджээ.

Бессеберг IBU холбоог 1993-2018 оны хугацаанд удирдсан бөгөөд Далинд албан тушаалаа шилжүүлэн өгсөн юм.


Эх сурвалж: РИА Новости /МОНЦАМЭ агентлаг/

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
“Фиорентина” хоёр жил дараалан Конференцийн лигийн тэмцээний финалд шалгарлаа
02024-5-9 19:05
"Реал Мадрид" Аваргуудын лигийн тэмцээний финалд шалгарлаа
02024-5-9 11:48
Олимпын галт бамбарыг Францад авчирлаа
02024-5-9 11:42
“Боруссиа” баг Аваргуудын лигийн финалд шалгарлаа
02024-5-8 12:22
Аргентины нэрт дасгалжуулагч С.Менотти таалал төгсжээ
02024-5-7 13:46
Парисын нисэх буудалд Олимпын цагаригийг байрлуулжээ
02024-4-24 17:50
“Формула-1” уралдааныг Бангкокт зохион байгуулах сонирхлоо илэрхийлжээ
02024-4-24 14:42
Жокович, Бонмати нар оны шилдэг тамирчдаар шалгарлаа
02024-4-23 15:19
Бээжингийн хагас марафонд тэргүүлсэн тамирчид медалиа хураалгажээ
22024-4-23 11:49
Франц Беккенбауэрийн хүрэл хөшөөг босгоно
02024-4-22 14:46