Хэдийгээр бид дотооддоо болоод л буй мэт харагдавч гадныхны нүдээр эмгэнэл эхлээд ид дундаа явж байгаа аж. Манай сайттай хамтран ажилладаг Франц Пресс агентлагийн (AFP) сурвалжлагч энэ тухай бичжээ. Нийтлэлд “Монголын тэр дундаа өмнөд нутгийг нь гадаадын уул уурхайн баян компаниуд хатуухан хэлэхэд худалдаад авчихсан. Үүний улмаас орон нутгийн мал аж ахуй эрхэлдэг иргэд мөлжигдөн дарлагдаж, малаа бэлчээх газаргүй болж байна. Хамгийн эмгэнэлтэй нь тэнд усны нөөц улам бүр багассаар л. Орон нутгийн хэсэг иргэн гадаадын компаниудын үйл ажиллагааг эсэргүүцэх боловч тэдний дуу хоолойг эрх баригчид сонссон ч сонсоогүй юм шиг байдаг нь харамсалтай. Мөн нэр бүхий гадаадын компаниуд Монголын иргэдийг өндөр цалинтай ажиллуулна гэж гэрээ байгуулсан ч бодит байдал дээр Улаанбаатарын дундаж оршин суугчийн цалингаас төдийлөн ялгагдахгүй.