140 тэмдэгтэй цонхонд санал бодлоо илэрхийлж, төрийн өндөр албан тушаалтнуудтай нэг түвшинд харилцах эрхийг “Твиттер” олгож байна. Саяхан Англи болон Европын хэд хэдэн улсад энэхүү нийгмийн сүлжээний сайтыг хянах, анализ хийх байгууллага үйл ажиллагаагаа эхэлжээ. Үүний зорилго нь нийгмийн амьдралд улстөрчдийн дутагдалтай байгаа талыг гаргаж ирэх юм. Өөрөөр хэлбэл, сонгуулийн өмнөх уур амьсгалыг хамгийн тодоор мэдрэх чухал сайт болж байна. Европын улсуудад “Твиттер цагдаа” байгуулагдсан. Энэ нь таны бичсэн бүхнийг хянах зорилготой. “Арабын хавар” хэмээх хувьсгалын давалгаа нийгмийн сүлжээний сайтуудаас үүсэлтэй тул аливаа улсын эрх баригчид “Твиттер”-ээс эмээсэндээ “цагдаа”-г бий болгожээ.