Франц улсын Шуудангийн газар замын түгжрэлээс сэргийлэхийн тулд нийслэл хотынхоо зарим дүүргээр усан тээвэр явуулахаар төлөвлөж буйгаа мэдэгдсэн байна.

Тус улсын Шуудангийн газрын орон нутгийн цагаар 24-ний өдөр мэдээлснээр, Парисын баруун хойд хэсгээс баруун өмнөд зүгт илгээмж хүргэх зорилгоор 2026 онд Сена мөрөн дээр усан онгоц явуулахаар төлөвлөж байгаа аж.

Энэхүү шийдвэрийн хүрээнд ойролцоогоор 24 километр усан замаар өдөрт 3000 илгээмж тээвэрлэх боломжтой гэж тус байгууллагын зүгээс тайлбарлажээ.

Түүнчлэн “жилд автозамын тээвэрлэлтийн хэмжээг 200,000 километрээр бууруулах боломжтой" гэж Шуудангийн газар цохон тэмдэглэсэн байна.

Эх сурвалж: YTN