Технологийн хэрэглээ улам өргөжихийн хэрээр мөнгөн дэвсгэртийн хэрэглээ өдрөөс өдөрт хумигдаж буй. Улмаар хүмүүс банкны карт, цахим банкны үйлчилгээгээр өдөр тутмын хэрэгцээгээ хангах болсноор ямар хэмжээний мөнгө мөнгөн дэвсгэрт хэлбэрээр хэрхэн харагдахыг барагцаалж чадахаасаа чадахгүй нь их болсон билээ.

Тэгвэл 2 жилийн өмнө RED SIDE гэх YouTube сувгаас их хэмжээний мөнгөн дэвсгэрт бодит амьдрал дээр хэрхэн харагдахыг үзүүлсэн симуляци бичлэгийг цацсан нь саяхнаас л олон нийтийн анхааралд өртөх болсон байна.

Бичлэг эхлэхэд 1 ам.долларын мөнгөн дэвсгэрт байх бөгөөд мөнгөн дэвсгэртийн хэмжээ өсөхөд 100 ам.доллар, 10,000 ам.доллар, 1 сая ам.доллар, 10 сая ам.доллар, 100 сая ам.долларыг мөнгөн дэвсгэрт хэлбэрээр үзүүлжээ. Тийнхүү мөнгөн дэвсгэртийн хэмжээ 100 сая ам.долларт хүрэхэд хүн налаад суухад хангалттай бат бөх болсон бол 1 тэрбум ам.долларт хүрэхэд нэг чингэлгийг хагас дүүргэхэд хангалттай их хэмжээний мөнгө болсон байна.

Харин 100 тэрбум ам.долларын мөнгөн дэвсгэртийн хажууд том оврын ачааны автомашины толгой ч жижигхэн харагдах ажээ.

Эх сурвалж: UNILAD