Мягмар гарагт олон улсын криптовалютын зах зээлд биткоины ханш дахин өсөж, нэгж биткоины үнэ бүх цаг үеийн дээд үнэлгээндээ дөхлөө. Улмаар мягмар гарагийн 10:10 минутын байдлаар нэгж биткоины үнэлгээ 68,392.27 ам.доллар байна.

Биткоины ханшийн хувьд 2021 оны арваннэгдүгээр сарын есний өдөр бүх цаг үеийн дээд үнэлгээндээ хүрч, 68,999.99 ам.доллар болсон ч эргэн унасаар дахин тус үнэлгээг даваагүй юм. Харин мягмар гарагт тус валютын үнэлгээ хамгийн ихдээ 68,634.76 ам.долларт хүрчээ.

Тийнхүү биткоины ханш өсөхөд уг коины ханшийг даган хэлбэлздэг бусад коины ханш ч өссөн байна. Тодруулбал, нэгж эфериумын ханш л гэхэд сүүлийн 24 цагийн хугацаанд 4.61 орчим хувиар өсөж, Улаанбаатарын цагаар 10:25 минутад 3,638.56 ам.долларт хэлбэлзэж байв.

Улмаар зах зээлийн шинжээчдийн таамаглаж байгаагаар энэ маягаар биткоины ханш өссөөр ойрын нэг жилийн хугацаанд нэгжийн үнэ 75,000 ам.долларт хүрэх юм.

Эх сурвалж: CoinMarketCap