Европын холбооны гишүүн 27 орон Украины дайны үеэр Орост пуужин нийлүүлсэн хэргээр Умард Солонгосыг хориг арга хэмжээний жагсаалтад нэмжээ. Европын холбоо өмнө нь хүний ​​эрхийг зөрчсөн, НҮБ-ын Аюулгүйн зөвлөлийн тогтоолыг зөрчсөн зэрэг шалтгаанаар Умард Солонгосын эсрэг хориг арга хэмжээ авч байсан ч Украины дайнтай холбоотойгоор тус улсын эсрэг анх удаа хориг арга хэмжээ авах шийдвэр гаргаж байгаа нь энэ юм.

Оны эхний хагаст Европын холбоог даргалж байгаа Бельгийн засгийн газар орон нутгийн цагаар 21-ний өдөр нийгмийн сүлжээний Х (хуучнаар Twitter) платформоор дамжуулан тус холбооны гишүүн 27 орны байнгын төлөөлөгчид Оросын эсрэг авч хэрэгжүүлэх 13 дахь багц хориг арга хэмжээний талаар санал нэгдсэнийг онцлоод “Европын холбооноос баталсан хамгийн өргөн хүрээг хамарсан багц хориг арга хэмжээ” гэдгийг дурджээ. Үргэлжлүүлэн Украины дайны хоёр жилийн ой буюу энэ сарын 24-ний өдөр энэхүү энэхүү багц хориг арга хэмжээг албан ёсоор эцэслэн батлахаар төлөвлөж байгаа гэж тайлбарлав.

France Press агентлагийн мэдээлж буйгаар Умард Солонгосын Батлан ​​хамгаалахын сайдыг Орост пуужингаар хангахтай холбоотой хориг арга хэмжээний жагсаалтад шинээр нэмж оруулсан гэв. Түүнчлэн Умард Солонгосын зарим аж ахуй нэгжүүд ч мөн адил шалтгаанаар хориг арга хэмжээний жагсаалтад орсон гэх мэдээлэл гарсан байна.

Эх сурвалж: JoongAng