Каролина Шиино Японы гоо бүсгүйн титмээ хураалгажээ.
Өдгөө 26 настай түүний хувьд өнгөрөгч нэгдүгээр сарын 22-ы өдөр Япон улсын гоо бүсгүй 2024 гэх алдрыг хүртээд байсан юм. Украин улсад төрсөн ч 5 настайгаасаа хойш Япон улсад амьдарч, тус улсын иргэншилтэй болсон түүний ялалт олны анхаарлыг эрхгүй татсан. Улмаар олон нийтийн сүлжээгээр хүмүүс, “Япон улсад гоо бүсгүй үгүй болохоор славян хүн очоод гоо бүсгүйн шагналыг нь авчихдаг хэрэг үү?” хэмээн мэтгэлцээд амжсан билээ.
Тэгвэл Каролина Шиино Японы гоо бүсгүйн титмээ хураалгах болжээ. Үүний шалтгаан нь тэрээр гоо бүсгүйн алдрыг хүртэхээсээ өмнө гэрлэсэн эртэй учир ургуулсан нь батлагдсанаар хэвлэлийнхнийг шуугиулсан байна.
Бүсгүйн зүгээс тайлбар хийхдээ тэр түүний учир ургуулсан эр гэрлэсэн байсан гэдгийг мэдээгүй хэмээсэн юм.
Гэвч Японы гоо бүсгүйн тэмцээнийг зохион байгуулагчдын зүгээс түүнийг гоо бүсгүйн хэргэмээс түдгэлзүүлэх болсон байна.
Эх сурвалж: E!
7