Өчигдөр буюу ням гарагт Энэтхэг улс төдийгүй олон улсад суугаа хинду шашинтнууд Дивали буюу гэрлийн наадмыг тэмдэглэн өнгөрүүлсэн билээ. Тэгвэл даваа гарагт дэлхийн хамгийн их агаарын бохирдолтой арван хотын гурав нь Энэтхэг улсад бүртгэгджээ.

Үүний шалтгаан нь хүмүүс Дивали баярыг тэмдэглэхдээ салют буудуулдгаас зарим хотын агаарын чанар эрс муудсан байна. Улмаар Энэтхэгийн Нью Дели хотын агаарын чанарын индекс даваа гарагт 680 буюу “хортой” гэсэн үзүүлэлттэй гарсан бол Колката хотын агаарын чанарын индекс 196, Мумбай хотын агаарын чанарын индекс 163 гэсэн үзүүлэлттэй гарч, дэлхийн хамгийн их агаарын бохирдолтой 10 хотын нэг, дөрөв, наймдугаар байрт тус, тус бичигджээ.

Ройтерс агентлагаас мэдээлснээр агаарын чанарын индекс 400-500 гэсэн үзүүлэлтэд хүрвээс эрүүл хүмүүсийн биед ч аюул заналхийлж байдаг билээ.

Эх сурвалж: The Reuters