Ням гарагт ХБНГУ-ын канцлер Олаф Шольц Нигер улсын өдөр тутмын The Punch сонинд ярилцлага өгчээ. Улмаар ярилцлагаас үзвэл ХБНГУ Нигер улсаас байгалийн хийн импортлох боломж бололцоог судалж байгаа нь тодорхой болсон байна.

Ноён Шольцын хувьд Африк тивийн хамгийн том эдийн засаг бүхий Нигер улстай хоёр талт харилцаагаа бэхжүүлэхээр баруун Африкийг зорьсон юм. Эл айлчлалыг хийснээрээ тэр ерөнхийлөгч Бола Тинубугийн удирдлага доорх шинэ засгийн газар байгуулагдсанаас хойш Нигер улсад айлчилсан Германы анхны удирдагч болсон байна.

Тийнхүү ярилцлагад өгүүлснээр Олаф Шольц, “Нигер улс бол Африк тивдээ байгалийн хийн хамгийн их нөөцтэй улс. Герман компаниудын хувьд Нигер улсаас байгалийн хий татан авах сонирхолтой байгаа бөгөөд Нигерийн байгалийн хийн компаниудтай хамтран ажиллахыг тэсэн ядан хүлээж байгаа.

Манай улсын зүгээс Нигер улсыг Африк тивийн хүрээнд улс төр хийгээд эдийн засгийн хувьд гол түншээ гэж харж байгаа” гэжээ.

Эх сурвалж: DW