ОХУ-ын батлан хамгаалах салбарыг дэмжсэн гэх үндэслэлээр Хятадын 40 гаруй компанид АНУ-ын засгийн газар хориг арга хэмжээ авахаар болжээ.

Ройтерс агентлагийн орон нутгийн цагаар 6-ны өдөр мэдээлснээр, АНУ-ын Худалдааны яамны зүгээс Оросын цэрэг, батлан ​​хамгаалахын салбарын үйлдвэрлэлийг дэмжсэн хэмээн сэжиглэж буй гадаадын 49 компани, түүний дотор Хятадын 42 компанийг экспортын хяналтын жагсаалтад оруулсан байна.

Эдгээр компаниудыг ОХУ-ын батлан ​​хамгаалах салбарын компаниудад АНУ-ын технологи бүхий бүтээгдэхүүн нийлүүлсэн хэмээн сэжиглэж байгаагаа Худалдааны яам мөн мэдэгдэв.

Хятадын компаниудаас гадна Финланд, Герман, Энэтхэг, Турк, Арабын Нэгдсэн Эмират (АНЭУ), Их Британи зэрэг орны компаниуд энэ удаагийн хориг арга хэмжээнд мөн хамрагдсан байна.

Эх сурвалж: JoongAng