Meta компани өнгөрөгч сарын зургааны өдөр Twitter платформтой өрсөлдөхүйц Threads аппликейшныг хэрэглээнд нэвтрүүлсэн билээ.

Улмаар тус аппликейшн хэрэглээнд нэвтэрсэн эхний нэг цагтаа 5 сая хэрэглэгч, 5 хоногтоо 100 сая хэрэглэгчийг нэвтрүүлж, дээд амжилт тогтоосон юм. Харамсалтай нь богино хугацаанд олон сая хэрэглэгчийг төвлөрүүлж чадсан тус аппликейшны идэвхтэй хэрэглэгчийн тоо 50 сая ч хүрэхгүй байгаа билээ.

Тэгвэл ням гарагт Ройтерс агентлагаас мэдээлснээр Meta компани ойрын хугацаанд Threads аппликейшныхаа веб хувилбарыг хэрэглээнд нэвтрүүлнэ гэжээ. Тодруулбал, энэ долоо хоногийн эхээр тэд веб хувилбарыг хэрэглээнд нэвтрүүлэх юм. Энэ талаар Уолл Стрийт Журнал сэтгүүлээс анхлан мэдээлсэн байна.

Эх сурвалж: The Reuters