Пүрэв гарагт Apple компани 2023 оны хоёрдугаар улирлын тайлангаа танилцуулжээ. Тайлангаас үзвэл Apple компанийн борлуулалт гурав дахь улиралдаа дараалан унасан үзүүлэлттэй гарсан байна.
Тодруулбал, өнгөрөгч улиралд тэд нийт 81.8 тэрбум ам.долларын орлоготой ажилласан бөгөөд энэ нь 2022 оны мөн үеийн борлуулалтаас 1 хувиар буурсан үзүүлэлт юм. Улмаар тайланг танилцуулснаас хойш Apple компанийн нэгж хувьцааны үнэлгээ 1 хувиар унажээ.
Харин тайлангийн дэлгэрэнгүйтэй танилцвал борлуулалт унасан ч тэдний үйлчилгээний орлого 21.2 тэрбум ам.долларт хүрснээр шинэ дээд амжилт тогтоосон байна. Энэхүү орлого нь тэдний санал болгодог Apple Music, Apple TV+ зэрэг үйлчилгээнээс бүрддэг юм.
Эх сурвалж: CNN