Лхагва гарагт Венесуэл улсын Газрын тосны сайд Педро Рафаел Теллечеагийн мэдэгдсэнээр ОХУ энэ оны сүүлээр тус улс дахь газрын тосны олборлолтоо нэмэгдүүлнэ гэжээ.
Түүний хэлснээр, “Венесуэл, ОХУ-ын хамтын ажиллагааны хүрээнд бид хамтдаа 5 үйлдвэр эзэмшдэг. Тэдгээрийн олборлолтыг нэмэгдүүлэх болно. Үйлдвэрүүдийн хувьд аль хэдийн өргөжиж эхэлсэн. Нэг үйлдвэр боловсруулсан төлөвлөгөөг ч давж, олборлолтоо 95 хувиар өсгөсөн байгаа.
(Венесуэлийн Газрын тосны сайд Педро Рафаел Теллечеа болон ОХУ-ын шадар сайд Александер Новак, Эрчим хүчний сайд Николай Шулгинов нар) Бидний зүгээс зөвхөн одоо хэрэгжиж буй төслүүдийн хүрээнд ярилцлаа. Бусад боломжит санаачилгуудын хувьд ердөө судалгааны түвшинд явж байгаа. Бид хувьдаа чамлахааргүй ахиц гаргасан бөгөөд ирэх аравдугаар сард биечилсэн уулзалт зохион байгуулахаар төлөвлөж байна” гэсэн юм.
Түүний энэ мэдэгдлийн хүрээнд ТАСС мэдээллийн агентлагаас мэдээлснээр уг зорилгын хүрээнд тэд газрын тосны олборлолтыг энэ оны сүүл гэхэд өдөрт нэг сая баррелиар өсгөхөөр төлөвлөж байгаа гэжээ.
Эх сурвалж: ТАСС