CNN агентлагийн орон нутгийн цагаар 19-ний өдөр мэдээлснээр, ОХУ-ын Батлан ​​хамгаалах яам 20-ны өдрөөс эхлэн Хар тэнгисээс Украины боомтыг чиглэн явж буй бүхий л хөлөг онгоцыг цэргийн ачаа тээвэрлэгчээр тооцохоор болсон тухай мэдэгджээ.

Хар тэнгисийн үр тарианы хэлэлцээрээс гарснаас хойш Хар тэнгист аюулгүй байдлын навигац хийх баталгаагаа цуцалж байгаагаа мэдэгдсэний дараа тус улсын Батлан хамгаалахын яамны зүгээс ийнхүү мэдэгдэл хийсэн байна.

Батлан ​​хамгаалах яам уг мэдэгдэлдээ Хар тэнгисийн үр тарианы хэлэлцээрийг цуцалж, тэнгисийн хүмүүнлэгийн чиглэлийг багасгасантай холбогдуулан 2023 оны 7-р сарын 20-ны Москвагийн цагаар 00:00 цагаас эхлэн Хар тэнгис дэх Украины боомтууд руу чиглэсэн бүхий л хөлөг онгоцыг болзошгүй цэргийн ачаа тээвэрлэгч гэж үзэх болно хэмээн онцолжээ.

Батлан хамгаалах яамны мэдээлснээр, хөлөг онгоцон дээр далбаагаа мандуулсан улсуудыг Украины талыг дэмжиж дайнд оролцсон хэмээн үзнэ гэв.

"Хар тэнгисийн баруун хойд болон зүүн өмнөд хэсэгт орших олон боомтуудыг түр хугацаагаар навигац хийхэд аюултай хэмээн зарласан" гэж Батлан ​​хамгаалах яам нэмж тайлбарласан байна.

Эх сурвалж: Newsis