БНХАУ-ын цар тахлын дараах сэргэлт сулрахтай зэрэгцэн залуучуудын хүрээнд ажилгүйдлийн түвшин нэмэгдэж, урьд өмнө байгаагүй өндөр түвшинд хүрчээ.

Холбогдох албаныхны мэдээлснээр Хятадын 16-24 насны залуучуудын ажилгүйдлийн түвшин өнгөрөгч сард 21.3 хувьд хүрсэн гэсэн байна.

Энэ онд Хятадын хөдөлмөрийн зах зээлд нийт 11.58 сая төгсөгч гарах төлөвтэй байгаа тул эдийн засагчдын зүгээс Хятадын залуучуудын ажилгүйдлийн түвшнийг маш няхуур ажиглаж байгаа юм. Хятадын хот суурин газар оршин суудаг залуучуудын ажилгүйдлийн түвшин сүүлийн саруудад тасралтгүй өсөж байгаа бөгөөд үүний шалтгааныг төгсөгчдийн сурсан мэргэжил хийгээд хөдөлмөрийн зах зээлд тухайн мэргэжил хэр элбэг байгаа зэрэг нь хоорондоо ихээхэн зөрүүтэй байгаатай холбоотой ажээ.

Албаныхны мэдэгдсэнээр залуучуудын ажилгүйдлийн түвшин ирэх саруудад ч өснө гэсэн юм. Улмаар тэдний тооцож байгаагаар залуучуудын ажилгүйдэл ирэх наймдугаар сард дээд цэгтээ хүрнэ гэжээ.

Эх сурвалж: BBC