АНУ-ын зүүн хойд нутгийг хамарсан аадар борооны улмаас 5 тэрбум ам.доллароор хэмжигдэх хохирол учирсан гэх тооцоо гарчээ.
Тодруулбал Bloomberg News агентлагийн мэдээлснээр Нью-Жерси, Нью-Йорк, Нью-Ингленд, Вермонт мужуудад хүчтэй аадар бороо орсны улмаас үүссэн шууд хохирлын хэмжээ 3-5 тэрбум ам.долларт хүрсэн болохыг онцлов.
Үерийн улмаас хүний амь нас хохирч, зарим газарт авто зам, төмөр зам үерт автсанаас болж замын хөдөлгөөн саатаж, гурван өдрийн турш 2700 хуваарьт нислэг цуцлагдсан гэх тооцоо гарсан байна.
Хамгийн их хохирол амссан Вермонт мужид 230 миллиметр хүртэл хур тунадас орсон нь 2011 онд тохиосон “Айрен" хар салхинаас хойших хамгийн их хэмжээний хур тунадас орсон тохиолдол болж буйгаас гадна зам талбайд тогтсон үерийн усны түвшин насанд хүрсэн хүнийг ч давахуйц хэмжээтэй байгаа аж.
Улмаар ерөнхийлөгч Жо Байден Вермонт мужид онц байдал зарлаад байгаа билээ.
Эх сурвалж: YTN