Мягмар гарагт Эстони улсын засгийн газраас ижил хүйсийн хүмүүс гэр бүл болохыг хуулиар зөвшөөрчээ. Ингэснээр Эстони улс Словени улсын дараагаар ижил хүйстний гэрлэлтийг хуулиар зөвшөөрсөн төв Европын хоёр дахь улс болсон байна.
Тийнхүү Дойче Велле сувгаас мэдээлснээр хууль ирэх оны нэгдүгээр сарын нэгний өдрөөс хүчин төгөлдөр үйлчлэх ажээ.
Үйл явдлын хүрээнд Эстонийн ерөнхий сайд Кая Калла өөрийн Твиттер хуудаснаа, “Би Эстони улсаараа бахархаж байна. Бид хүн бүрийн эрхийг хүндэлсэн, хүмүүс эрх чөлөөтэйгөөр хайрлаж болох нийгмийг бүтээж байна” хэмээн жиргэсэн байна.
ERR сувгаас мэдээлснээр тус хууль засгийн газрын гишүүдийн 61 хувиар дэмжигдсэн гэнэ.
Эх сурвалж: DW