Apple брэндийн хамгийн том нийлүүлэгч Foxconn компани ирэх оны дөрөвдүгээр сараас Энэтхэгийн Карнатака мужид iPhone гар утсыг үйлдвэрлэж эхлэх болжээ. Энэ талаар пүрэв гарагт Карнатака мужийн захиргаанаас мэдээлсэн байна.

Тэдний мэдэгдсэнээр Foxconn компанийн Карнатака дахь үйлдвэр 50,000 шинэ ажлын байрыг бий болгоно гэжээ.

Foxconn компанийн хувьд өнгөрөгч тавдугаар сард Карнатака мужийн Бенгалуру хотын ойролцоо 1.2 сая шоо метр газар худалдан авснаа зарлаж байсан билээ. Худалдан авалтын хүрээнд Блумберг сувгаас мэдээлснээр Foxconn тухайн газарт нийт 700 сая ам.долларын хөрөнгө оруулахаар төлөвлөж байгаа гэсэн юм.

Тэгвэл пүрэв гарагт мужийн захиргаанаас мэдээлснээр тэд уг төслийг 1.59 тэрбум ам.доллароор үнэлж байгаа гэжээ.

Үйл явдлын хүрээнд Ройтерс агентлагаас мэдээлснээр Foxconn ирэх долоодугаар сараас үйлдвэрийн барилгын ажлыг эхлэх бөгөөд үйлдвэр ашиглалтад орсон хойно тэд жилд 20 сая iPhone гар утас үйлдвэрлэнэ гэсэн байна.

Эх сурвалж: BBC