Даваа гарагт БНХАУ-ын Худалдааны сайд Ван Вэнтао Япон улсыг хагас дамжуулагчийн экспортод тавьж буй хяналтаа зогсооход уриалжээ.
БНХАУ-ын талаас үзэж байгаагаар тэдний энэ хяналт нь олон улсын эдийн засаг хийгээд худалдааны дүрмийг ноцтой зөрчсөн буруу үйлдэл гэсэн юм.
Япон улсын хувьд өнгөрөгч нэгдүгээр сард Нидерланд улсын хамтаар БНХАУ руу гаргах хагас дамжуулагч үйлдвэрлэхэд шаардлагатай 23 нэр төрлийн тоног төхөөрөмжийг хязгаарлалтад оруулсан билээ. Үүний зорилго нь АНУ-ын Хятадын эсрэг тавьсан хоригийг дэмжих, БНХАУ дотооддоо хагас дамжуулагч бүтээхэд шаардлагатай багаж хэрэгсэл худалдах боломжийг хумих байсан юм. АНУ-ын хувьд өнгөрөгч онд Хятадын суперкомпьютерын үйлдвэрлэлд нөлөөлөх зорилгоор хагас дамжуулагч үйлдвэрлэхэд шаардлагатай бүтээгдэхүүнүүдийн экспортод хориг тавьсан.
Харин Япон улсын хувьд хязгаарлалтыг тогтоохдоо дан ганц БНХАУ-ын эсрэг тогтоогоогүй бөгөөд тэдний мэдэгдсэнээр энэхүү арга хэмжээ нь олон улсын тогтвортой байдал, энх тайванд нэмэр болох зорилготой гэжээ.
Эх сурвалж: The Reuters