Агаарын хөлөг үйлдвэрлэн нийлүүлэгч Боинг компани Саудын Арабын Рияд Эйр компанид 150 гаруй 737 Макс загварын агаарын хөлгийг нийлүүлэхээр хэлэлцэж байгаа тухай ням гарагт Блумберг сувгаас мэдээлжээ.
Эх сурвалжийн мэдээлснээр Рияд Эйр компани нийт 300-400 агаарын хөлөг худалдан авахаар төлөвлөж байгаа юм.
Саяхан байгуулагдсан Рияд Эйр агаарын тээврийн компанийн хувьд Саудын Арабын Нийтийн Хөрөнгө Оруулалтын Сангийн бүрэн эзэмшилд байдаг ажээ.
Тийнхүү Боинг компани төдий тооны агаарын хөлгөө худалдахаар зэхэхтэй зэрэгцэн тэдний өрсөлдөгч Эйрбус компани ч Рияд Эйрийн төлөвлөгөөт худалдан авалтын тодорхой хувийг бүрдүүлж магадгүй юм.
Үйл явдлын хүрээнд Ройтерс агентлаг Боинг компаниас мэдээлэл авах гэсэн ч тэд ямар нэг тайлбар хийхээс татгалзсан бол Рияд Эйр компани хариу өгөөгүй байна.
Эх сурвалж: The Reuters